काठमाडौं । तोकिएको इजलास अघोषित रूपमा अवज्ञा गर्दै आएका १५ जना न्यायाधीशविरुद्ध सर्वोच्च अदालतमा रिट दायर भएको छ ।
रिटमा निवेदनमा पेसी सूचीको मुद्दा नरोक्नु र इजलासमा बसी स्वच्छ सुनुवाइ गर्नु भन्ने व्यवहारको परमादेश माग गरिएको छ ।
बन्दी तथा थुनुवाहरूको हकमा सुनुवाइ नभइ बन्दी अवस्थामा र थुनामा रहनु पर्दा अपुरणीय क्षति हुने भएको भन्दै निवेदकहरूले अन्तरिम आदेश पनि माग गरेका छन् ।
अधिवक्ताहरू कृष्ण प्रसाईँ, तोयानाथ ढुंगाना, कीतिनाथ शर्मा पौडेल तथा झापाकी सभ्यता नेपाल, सिन्धुपाल्चोकका नकुल तिमिल्सिना, काभ्रेका शिवराम थापा र झापाकै नेत्रप्रसाद मैनालीले निवेदन दिएका हुन् ।
