काठमाडौँ । नेपाल बङ्गलादेश बैंकको २७औँ वार्षिक साधारणसभा मंसिर २ गते हुने भएको छ ।
सञ्चालक समितिको मंगलबार बसेको बैठकले बैंकको रजिष्टर्ड कार्यालय, कमलादी, काठमाडौँमा बिहान ११ बजेदेखि भर्चुअल माध्यमबाट वार्षिक साधारणसभा गर्ने निर्णय गरेको हो ।
उक्त साधारण सभाले सञ्चालक समितिले प्रस्ताव गरेको १२ प्रतिशत बोनस सेयर र ३.५ प्रतिशत नगद गरी कुल १५.५० प्रतिशत लाभांश वितरण गर्ने प्रस्ताव पारित गर्नेछ ।
बैंकद्वारा प्रकाशित सचना अनुसार साधारण सभा तथा लाभांश वितरण प्रयोजनको लागि कात्तिक १५ गते एक दिन बुकक्लोज गर्ने निर्णय भएको छ ।
