काठमाडौं । चिनियाँ विदेश मन्त्री वाङ यी पूर्वनिर्धारित समयभन्दा दुई घन्टाअघि नै काठमाडौं उत्रिने हुनुभएको छ ।
यसअघि उहाँ साढे पाँच बजे काठमाडौं आउने भनिएको थियो। परराष्ट्र मन्त्रालय स्रोतका अनुसार वाङको चार्टर्ड जहाज २ घन्टाअघि नै काठमाडौं आउने भएको हो ।
वाङ अहिले भारतको राजधानी नयाँदिल्लीमा हुनुहुन्छ ।
नेपालमा रहदा उहाँको बसाई बत्तिसपुलतीमा रहेको होटल द्वारीकामा हुने स्रोतले जनाएको छ । विदेशमन्त्री यीले सनिबार राष्ट्रपति विद्यादेवी भण्डारी र प्रधानमन्त्री शेरबहादुर देउवासँग शिष्टाचार भेट गर्नुहुने छ ।
यसैगरीपराराष्ट्रमन्त्री डा खड्का र विदेशमन्त्री यीले शनिबार आ–आफ्नो प्रतिनिधिमण्डलको नेतृत्व गर्दै द्विपक्षीय वार्ता गर्नुहुनेछ । विदेशमन्त्री यी होटल द्वारीकामा नै पूर्वप्रधानमन्त्री एवं नेकपा (एमाले) का अध्यक्ष केपी शर्मा ओली तथा पूर्वप्रधानमन्त्री एवं नेकपा (माओवादी केन्द्र)का अध्यक्ष पुष्पकमल दाहाल प्रचण्डसँग पनि भेट गर्ने कार्यक्रम रहेको छ ।
भ्रमणका क्रममा मदन भण्डारी बिज्ञान तथा प्रबिधि प्रतिष्ठान,दासढुङा नारायणगढ कोरिडर आयोजना सहित केही बिषयहरुमा सम्झौता हुने जनाईएको छ । यसै गरी चीनले नेपाललाई उपलब्ध गराउदै आएको सहयोग रकममा बृद्धि गर्ने , विसं २०७६ मा नेपाल र चीनबीच भएको १९ वटा सहमति तथा सम्झौताका सन्दर्भमा छलफल हुने जनाईएको छ ।
