काठमाडौँ । प्रधानमन्त्री शेरबहादुर देउवा र भारतीय प्रधानमन्त्री नरेन्द्र मोदीबीच नयाँ दिल्लीमा यही चैत १९ गते भेटवार्ता हुने भएको छ ।
आफ्ना समकक्षी मोदीको निमन्त्रणमा प्रधानमन्त्री देउवाले यही चैत १८ गते भारतको औपचारिक भ्रमण गर्दै हुनुहुन्छ । उहाँको साथमा पत्नी डा. आरजु राणा देउवा र प्रतिनिधिमण्डलका अन्य सदस्य सहभागी हुनुहुनेछ ।
प्रधानमन्त्री देउवा मोदीको निर्वाचन क्षेत्र भारतको बनारस पनि जानुहुने भारतीय विदेश मन्त्रालयले विज्ञप्ति जारी गर्दै जानकारी दिएको छ ।
