काठमाडौं । गत हप्ताबाट प्रदर्शनमा आएको फिल्म ‘आरआरआर’ले बक्स अफिसमा आक्रमक कमाई गरेको छ ।
एसएस राजामौली निर्देशित फिल्म ‘आरआरआर’को हिन्दी भर्सनमा मात्र प्रदर्शनको ७ दिनमा १ सय ३० करोडमाथिको कमाई गरिसकेको छ भने विश्वभरबाट ७ सय करोडको आँकडा पार गरेको छ ।
५ सय ५० करोडको लागतमा निर्माण भएको फिल्मले प्रदर्शनको सात दिनमा विश्वभरबाट ७ सय ९ करोड ३६ लाखको व्यापार गरेको ट्रेड एनालिस्ट मनोबाला विजयबालनले ट्रविटरमार्फत् जानकारी दिएका छन् ।
यस्तै, फिल्मको लाइफटाइम बिजनेस १५ सय करोड करोड पुग्ने अनुमान गरिएको छ ।
हिन्दी, तमिल, तेलुगू, कन्नड र मलयालम भाषामा एकसाथ रिलिज भएको यस फिल्ममा साउथ सुपरस्टार राम चरण र एनटीआर जूनियर मुख्य भूमिकामा छन् भने अजय देवगन र आलिया भट्टले क्यामियो रोल गरेका छन् ।
