काठमाडौँ । मेगा बैंकको प्रमुख कार्यकारी अधिकृत (सीईओ) अनुपमा खुञ्जेलीले कार्यकाल सकिन केही दिन बाँकी हुँदै पदबाट राजीनामा दिएकी छिन् । खुञ्जेली नेपाली वाणिज्य बैंकहरुमै पहिला महिला प्रमुख कार्यकारी अधिकृत थिइन् ।
यही चैत मसान्तमा उनको कार्यकाल सकिँदै थियो । उनी दोस्रो कार्यकालमा पनि दोहोरिन चाहेकी थिइन् । यद्यपि सञ्चालक समितिले दोहोर्याउन नचाहेपछि उनले राजीनामा दिएको बताइएको छ ।
उनको सञ्चालक समितिसँग मनमुटाव रहेको बताइएको छ । यस्तो अवस्थामा काम गर्न नसकिने निचोड निकाल्दै उनले राजीनामा बुझाएको अनुमान गरिएको छ । तर उनको राजीनामा स्वीकृत भने भइनसकेको बताइएको छ ।
