काठमाडौं । नेकपा एमाले एमालेनिकट राष्ट्रिय स्वास्थकर्मी संघ, नेपालको चौथो राष्ट्रिय महाधिवेशन सुरु भएको छ ।
सो पार्टीका अध्यक्ष केपी शर्मा ओलीले महाधिवेशनको उद्घाटन गर्नुभएको हो ।
महाधिवेशनलाई सम्बोधन गर्दै अध्यक्ष ओलीले ४ सिट पनि ल्याउन असमर्थ माओवादी अध्यक्ष प्रचण्डलाई ५४ सिटको पार्टी बनाइदिँदा उल्टै माधव नेपाल जस्ता कुण्ठाग्रस्त मान्छेहरूलाई बोकेर आफूमाथि झम्टिएको टिप्पणी गर्नुभयो ।
यस्तै अध्यक्ष ओलीले बारको चुनावको परिणाम पूर्व निर्धारित नै रहेको भन्दै जनताको जनमत वैशाख ३० पछि मात्र प्रकट हुने बताउनुभयो ।
संगठनका अध्यक्ष रामबहादुर चन्दको अध्यक्षतामा आयोजित कार्यक्रममा पार्टीका सचिव तथा संगठनका इन्चार्ज कमरेड योगेश भट्टराई, संगठन विभाग प्रमुख कमरेड खगराज अधिकारी, जनसंगठन समन्वय संयन्त्रका संयोजक कमरेड भानुभक्त ढकाललगायतको उपस्थिति थियो ।
