काठमाडौं । नेकपा (एकीकृत समाजवादी)ले स्थानीय तह निर्वाचनलाई लक्षित निर्वाचन परिचालन कमिटी गठन गरेको छ ।
सो पार्टीका अध्यक्ष माधवकुमार नेपालको अध्यक्षतामा एक हजार १११ सदस्यीय निर्वाचन परिचालन कमिटी गठन गरेको हो ।
समितिमा केन्द्रीय कमिटी, तीन वटै केन्द्रीय आयोग, केन्द्रीय सल्लाहकार परिषद् र केन्द्रीय ज्येष्ठ कम्युनिस्ट मञ्चका सबै पदाधिकार एवं सदस्यहरू, केन्द्रीय परिषद् सदस्यहरू, प्रदेशका पदाधिकारीहरू, जिल्ला अध्यक्षहरू, जनसंगठनका केन्द्रीय पदाधिकारीहरु रहेको नेकपा एसले जनाएको छ ।
यस्तै, समाजवादीले २६ र २७ चैतमा बसेको पार्टीको २०औँ केन्द्रीय सचिवालय बैठकबाट महासचिव डा. बेदुराम भुसालको संयोजकत्वमा निर्वाचन परिचालन केन्द्रीय सचिवालय समेत गठन गरेको छ ।
प्रकाश ज्वाला, डा. गंगालाल तुलाधर, डा. विजय पौडेल, जगन्नाथ खतिवडा, जीवनराम श्रेष्ठ, विश्वनाथ प्याकुरेल, सोमप्रसाद पाण्डे, केदार सञ्जेल, सूर्य खत्री र द्रोणाचार्य क्षेत्री सदस्य रहेको उक्त सचिवालय गठन गरिएको हो ।
