काठमाडौं । नेकपा एमाले र नेपाल परिवार दलले पनि स्थानीय तह चुनावमा सहकार्य गर्ने भएका छन् ।
नेकपा एमालेका स्थानीय विकास विभाग प्रमुख देवेन्द्र दाहाल र परिवार दलका महामन्त्री सन्तोषकुमार पौडेलबीच गठबन्धन गर्ने सहमति भएको छ ।
सहमति बनेसँगै अब परिवार दलका उम्मेदवारले पनि स्थानीय तह निर्वाचनमा सूर्य चिह्न लिएर प्रतिस्पर्धा गर्नेछन् ।
यसअघि एमाले र राप्रपा नेपालबीच पनि स्थानीय निर्वाचनमा गठबन्धन गर्ने सहमति बनिसकेको छ ।
