काठमाडौँ । साहसिक पर्वतारोही निर्मल पुर्जाले ‘अल रिहला’ आधिकारिक विश्वकप २०२२ फुटबल प्रतियोगिताको बल लिएर सगरमाथाको शिखर आरोहण गर्ने भएका छन् ।
उनले एक ट्विट गर्दै भनेका छन्, “म ‘अल रिहला’– आधिकारिक विश्व कप २०२२ म्याच फुटबल– सगरमाथाको शिखरमा यात्रामा मद्दत गर्न पाउँदा गर्व गर्छु। यो यात्रा– बाउन्डरीहरू पार गर्ने, आफैँमा र टिमवर्कमा विश्वास गर्ने बारे हो।”
पुर्जाले सात महिनाभन्दा कम अवधि (१८९ दिन) मा समुद्री सतहबाट आठ हजार मिटरभन्दा अग्ला संसारका सबै १४ वटा हिमालको सफल आरोहण गरेका छन् ।
उनले सम्भव छ भन्ने नाराका साथ ७ महिनाभित्र सबैभन्दा ठूला १४ वटै हिमाल आरोहण गर्ने अभियान थालेका थिए । ‘असम्भवलाई सम्भव बनाउनु र मानवको सीमिततालाई अर्को तहमा पुर्याउनु नै हाम्रो एक मात्र लक्ष्य थियो’, पुर्जाले भनेका छन् ।
