काठमाडौँ । यही वैशाख ३० गते स्थानीय तहको निर्वाचनअन्तर्गत काठमाडौँ महानगरपालिकामा प्रमुख पदका लागि दुई जनाको उम्मेदवारी दर्ता भएको छ ।
राष्ट्रिय यथार्थवादी पार्टीका तर्फबाट आनन्दराज जोशीले महानगर प्रमुख पदका लागि मनोनयन दर्ता गराउनुभएको छ । ३७ वर्षीय उहाँ काठमाडौँ–१९ को बासिन्दा हुनुहुन्छ ।
त्यस्तै स्वतन्त्रबाट विगत १० वर्षदेखि ट्राभल व्यवसायमा संलग्न राजन कार्कीले पनि महानगर प्रमुखका लागि मनोनयन दर्ता गराउनुभएको छ ।
