भैरहवा । नेकपा एमाले स्थायी कमिटी सदस्य घनश्याम भुसालले आसन्न स्थानीय तहको निर्वाचनमा एमालेका उम्मेदवारको विजय यात्रा सुनिश्चित भएको बताएका छन् । उनले एमालेका उम्मेदवारहरूको इमान्दारी र असलपनले नै नगरबासीको मन जित्ने बताए ।
उनले निर्वाचनमा इमान्दार र असल व्यक्तिलाई मत दिनुपर्ने समेत बताए ।
नेकपा एमाले सिद्धार्थ नगर कमिटीद्वारा आयोजित उम्मेदवारहरूको परिचय तथा पत्रकार सम्मेलनमा बोल्दै नेता भुसालले भने, ‘सिद्धार्थनगरमा मेयरका उम्मेदवार डा. रामप्रसाद बस्याल राजनैतिक इमान्दारी र परिपक्कताको दृष्टिले अत्यन्तै असल छविका व्यक्ति मात्रै होइन आम सिद्धार्थनगरबासीको रोजाईको हिसाबले पनि सबैको साझा उम्मेदवार बन्नुभएको छ ।’
