काठमाडौँ । कलाकार दीपकराज गिरीले तेस्रो वरियताका अतिरिक्त महानिरीक्षक धीरजप्रताप सिंहलाई महानिरीक्षक बनाए भन्दै प्रधानमन्त्री शेरबहादुर देउवाप्रति व्यङ्ग्य गरेका छन् ।
सामाजिक सञ्जालमा कलाकार गिरीले प्रधानमन्त्री देउवालाई प्रधानाध्यापक भएको भए सधैँ थर्ड ब्वाइलाई फस्र्ट ब्वाइ बनाइदिने रहेछन् भनी व्यङ्ग्य गरेका हुन् ।
उनले भनेका छन्, “धन्न शेर बहादुर प्रधानमन्त्री भएछन्, प्रधान अध्यापक भएका भए सधैँ थर्ड ब्वाइ लाइ फष्ट ब्वाइ बनाइदिने रहेछन ।”
आइतबार सरकारले तेस्रो बरियतामा रहेका सिंहलाई महानिरीक्षकमा नियुक्त गर्ने निर्णय गरेको थियो । पहिलो बरियतामा विश्वराज पोखरेल र दोस्रो बरियतामा नहकुल थापालाई पाखा लगाउँदै सिंह महानिरीक्षक बनेका थिए ।
