पोखरा । नेकपा (माओवादी केन्द्र)का अध्यक्ष एवं पूर्वप्रधानमन्त्री पुष्पकमल दाहाल प्रचण्डले चुनावमा अहिलेको गठबन्धन असफल भए देशको राजनीति दुर्घटनामा पर्छ भनेकोमा गलत अर्थ लगाइएको भन्दै गुनासो व्यक्त गरेका छन् ।
कास्कीको पोखरामा आइतबार आयोजित चुनावी सभालाई सम्बोधन गर्दै प्रचण्डले जनता धम्क्याएको भनेर गलत अर्थ लगाइएको बताएका हुन् ।
शुक्रवार चितवनको भरतपुरमा आयोजित सत्ता गठबन्धनको कार्यक्रममा प्रचण्डले गठबन्धन पराजित भए देशको राजनीति दुर्घटनामा जाने बताएका थिए ।
प्रचण्डले भने, ‘यो गठबन्धनले हारे राजनीतिक दुर्घटना हुन सक्छ भनेको थिएँ, जनता धम्क्यायो भनेर गलत अर्थ लगाइएको छ ।’
