काठमाडौँ । राष्ट्रिय प्रजातन्त्र पार्टी (राप्रपा) ले स्थानीय तहको निर्वाचनमा अहिलेसम्म १८ वटा वडामा विजय हासिल गरेको छ । पार्टी प्रवक्ता मोहन श्रेष्ठका अनुसार राप्रपाले केही पालिकामा अग्रता र केही पालिकामा कडा प्रतिस्पर्धा गरिरहेको छ ।
प्रवक्ता श्रेष्ठले उपलब्ध गराउनुभएको जानकारी अनुसार कञ्चनपुरको दोधारा चाँदनी नगरपालिका–५ मा अध्यक्ष केशव खत्री र प्यानल विजयी भएको छ। त्यस्तै कपिलवस्तुको कृष्णनगर–१ मा अध्यक्ष टुकनाथ चौधरीको प्यानलसहित विजयी भएको छ ।
सुनसरीको भोक्राहा नरसिंह गाउँपालिका–१ मा अध्यक्ष लक्ष्मण मेहता र प्यानल निर्वाचित छ भने रुपन्देहीको रोहिणी गाउँपालिका–१ को अध्यक्ष पदमा अलि पठान (मुक्त्तर अहमद पठान)को प्यानल निर्वाचित भएको छ।
प्रवक्ता श्रेष्ठका अनुसार चितवनको माडी नगरपालिका–।१ को अध्यक्ष पदमा अमित लामासहित प्यानल सिद्धार्थनगर नगरपालिका–२ को अध्यक्ष पदमा छेदीलाल श्रीवास्तवलगायत प्यानल निर्वाचित भएको छ ।
त्यसैगरी नवलपरासी, रामग्राम–१ मा राप्रपाका रुद्रप्रसाद सिंह अध्यक्ष र प्यानल, डोटीको के।आई सिंह गाऊँपालिका–७ को अध्यक्षमा दिलबहादुर बलायर र प्यानल तजा बैतडीको सुर्नया गाउँपालिका–२ मा गणेशबहादुर विष्ट र प्यानलले जितेको छ ।
राप्रपाले पूर्वी नवलपरासीको विनयी त्रिवेणी गाउँपालिका–७ का अध्यक्ष उमेश कार्की र प्यानल, धादिङको खनियाबास गाउँपालिका–१ वडाध्यक्षमा सोनाम तामाङ विजयी भएका छन्।
रुपहेन्दीको ओमसतियामा राप्रपाका बेलबहादुर बराल सहित प्यानल विजयी भएको छ भने कञ्चनपुरको दोधारा चाँदनी–१ को वडाध्यक्ष विक्रम चन्द सहित प्यानलले जित हासिल गरेको छ ।
त्यस्तै धादिङको खनियाबास–२ मा अध्यक्ष अरुण तामाङ र प्यानल विजयी हुँदा रुपन्देहीको सियारी गाउँपालिका–१ मा अध्यक्ष अरुण शाही र प्यानलले जित हासिल गरेको छ ।
त्यस्तै रुपन्देहीको सियारी गाउँपालिका वडा नं १ मा अध्यक्ष अरुण शाही को प्यानलले तिज हासिल गरेको छ ।
