काठमाडौँ । काठमाडौं महानगरपालिकाको प्रमुख पदकी उम्मेदवार सिर्जना सिंह मतगणना स्थलमा पुग्नुभएको छ । अहिले मतगणना भइरहेको छ ।
सत्ता गठबन्धनबाट नेपाली कांग्रेसकी उम्मेदवार सिंह अहिलेसम्मको मतगणनामा तेस्रो स्थानमा हुनुहुन्छ । उहाँले अहिलेम्म १० हजार ९८६ मत प्राप्त गर्नुभएको छ ।
स्वतन्त्र उम्मेदवार बालेन्द्र साह २२ हजार ८४२ मतका साथ सबैभन्दा अगाडि हुनुहुन्छ । दोस्रो स्थानमा नेकपा ९एमाले० का उम्मेदवार केशव स्थापितले ११ हजार ७६९ मत प्राप्त गर्नुभएको छ ।
मतगणनास्थनमा सञ्चारकर्मीहरुसँग अझै धेरै वडामा मत गणना हुन बाँकी रहेको भन्दै उहाँले आफूले जित्नेमा ढुक्क रहेको बताउनुभयो । मतपरिणाबारे अहिले बोल्नु हतार हुने उहाँको भनाइ थियो ।
अहिलेसम्म ६० हजारमात्र मत गणना भएको भन्दै उहाँले एक लाख ३० हजार मत गणना हुन बाँकी रहेको बताउनुभयो । अब बाँकी रहेका मत आफ्नो पक्षमा आउने उहाँले बताउनुभयो ।
