जनकपुरधाम । प्रदेश नं २ मा विपक्षी दलले प्रदेश सरकारले रेडबुकमा मन्त्रीमुखी योजना मात्रै राखेको भन्दै प्रदेशसभा बैठक अवरुद्ध गरेका छन् ।
एमाले र माओवादी केन्द्रका सांसदले रेडबुक संशोधन गरी समानुपातिक ढंगले बजेट विनियोजन नभएसम्म प्रदेशसभा चल्न नदिने अडान राखेपछि प्रदेशसभा बैठक अवरुद्ध भएको हो ।
आइतबार प्रदेशसभा बैठक सुरु हुनासाथ एमाले र मोओवादी केन्द्रका सांसदहरुले उभिएर बैठक अवरुद्ध गरेका हुन् ।
विपक्षी दलका सांसद उभिएर प्रदेशसभा बैठक चल्न नदिने अडान लिएपछि सभामुख सरोजकुमार यादवले बैठक एक घण्टाका लागि स्थगित गरेका छन् ।
