एजेन्सी । इन्डियन प्रिमियर लिग (आइपिएल)मा मुम्बई इन्डियन्सले राजस्थान रोयल्सलाई ७ विकेटले पराजित गरेको छ । दिल्लीस्थित अरुण जेट्ली स्टेडियममा मुम्बईले टस हारेर ब्याटिङमा उत्रिएको राजस्थानले २० ओभरमा ४ विकेटको क्षतिमा १७१ रन बनाएको थियो ।
राजस्थानका लागि कप्तान सञ्जु सामसनले २७ बलमा ४२ रन बनाए । यस्तै जोस बटलरले ३२ रनमा ४१ रन जोडे ।
१७२ रनको विजयी लक्ष्य पछ्याएको मुम्बईले १८.३ ओभरमा ३ विकेट गुमाउँदै लक्ष्य पूरा गरेको हो । मुम्बईका क्विन्टन डी कोक ५० बलमा ७० रनमा अविजित रहे ।
उनले ६ चौका र २ छक्का प्रहार गरे । कुर्णाल पाण्ड्याले २६ बलमा ३९ रनको योगदानी दिए । कायरन पोलार्ड ८ बलमा १६ रनसहित अविजित रहे । मुम्बईका राहुल चाहरले २ तथा ट्रेन्ट बोल्ट र जास्प्रित बुमराहले १/१ विकेट लिए ।
राजस्थानका क्रिस मोरीसले २ तथा मुस्ताफिजुर रेहमानले १ विकेट लिए ।
