काठमाडौं । सोमबार देशभर ३५५६ जना नयाँ संक्रमित थपिएका छन्। पछिल्लो २४ घण्टामा १२ हजार ४ सय नमुनाको पीसीआर परीक्षण गर्दा ३ हजार ४४२ र ८९३ एन्टिजेन परीक्षण गर्दा ११४ जनामा कोरोना संक्रमण पुष्टि भएको हो । योसँगै नेपालमा कोरोना संक्रमितको कुल संख्या ३ लाख ३ हजार ५६१ पुगेको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १२ जनाको मृत्यु भएसंगै ज्यान गुमाउनेको संख्या ३ हजार १७६ पुगेको छ । हालसम्म २ लाख ७७ हजार ९५१ जना संक्रमणमुक्त भएका छन् ।
अहिले देशभर सक्रिय संक्रमितको संख्या २२ हजार ४३४ पुगेको मन्त्रालयले जनाएको छ। पछिल्लो २४ घण्टामा ३७८ जना निको भएको मन्त्रालयले जनाएको छ ।
