काठमाडौं । नेपाल ईन्जिनियर्स एशोसियसनको आगामी बैशाखमा हुने निर्वाचनको लागि नेकपा (एमाले) र जनता समाजवादी पार्टी, नेपालका जनसंगठनबीचको चुनावी गठबन्धनबाट ई. भगवान झाको नेतृत्वमा प्रदेश–२ मा संयुक्त उम्मेदवारी दर्ता भएको छ ।
जसपा समर्थित राष्ट्रिय इन्जिनियर संघ र एमाले समर्थित प्रोग्रेसिभ इन्जिनियरिङ एशोसियसनबीच नेपाल ईन्जिनियर्स एशोसिएसनको चुनावमा संयुक्त प्यानल बनाउने सहमति अनुरूप ई. भगवान झाको नेतृत्वमा संयुक्त उम्मेदवारी परेको हो ।
उम्मेदवारी दर्ता गराउनु अघि प्रोग्रेसिभ इन्जिनियरिङ एशोसिएसन र राष्ट्रिय इन्जिनियर संघबीच चुनावी गठबन्धन भएको थियो । दुई संगठनले चुनावमा संयुक्त प्यानल बनाउने सहमति गरेका थिए । प्रोग्रेसिभ इन्जिनियरिङ एशोसियसनका अध्यक्ष ई.शम्भु बहादुर श्रेष्ठ र राष्ट्रिय इन्जिनियर संघका अध्यक्ष ई. भगवान झाले संयुक्त विज्ञप्ति जारी गर्दै केन्द्र तथा प्रदेशहरुमा संयुक्त रुपमा चुनावी तयारी गर्ने जानकारी दिनु भएको थियो ।
सि.डि.ई. झा प्रदेश २ को विकासको लागि अहोरात्र खटिँदै आएका छन् । विकास अभियन्ताको रुपमा चिनिएका झा प्रदेशभरि नै सबैको प्रिय रहेकाे बताइएकाे छ । नेपाल इन्जिनियर्स एशोसियसनको ३३ औं केन्द्रीय कार्यकारिणी समिति तथा दोस्रो प्रदेश कार्यकारिणी समितिको चुनाव वैशाख २४ मा हुँदैछ ।
