इङलिस प्रिमियर लिग अन्तर्गत आइतबार भएको खेलमा क्रिस्टल प्यालेसले ब्राइटनलाई पराजित गरेको छ ।
लिगको अंक तालिकामा नवौं नम्बरमा रहेको ब्राइटनलाई पन्ध्रौं स्थानमा रहेको प्यालेसले ३–१ गोलले ब्राइटनलाई स्तब्ध बनाएको हो ।
प्यालेसका तर्फबाट इस्माइला सारले ३३ र ८२ मिनेटमा गरी २ गोल गरेका थिए भने ट्रेभो चलोभाले २७औं मिनेटमा एक गोल गरेका थिए ।
निकै प्रतिस्पर्धात्मक खेलमा ब्राइटनले निकै आक्रमण गरे पनि प्यालेसका गोलकिपरले सुन्दर बचाउ गरेका थिए । यद्यपि ब्राइटनका लागि एक मात्र गोल खेलको अन्त्यतिर ८७औं मिनेटमा मार्क गुहीले गरेका थिए ।
