काठमाडौँ। प्रेस काउन्सिल नेपालले पत्रकार सुरज खड्काले सञ्चालन गर्नुभएको सञ्चालक ‘एनपिएलप्रेस डटकम’लाई कारबाही गरेको छ ।
क्यामेरा बोकेर अनुमतिबिना निजी र सार्वजनिक कार्यालयमा गई दुव्र्यवहार गर्ने गरेको उजुरी काउन्सिललमा परेपछि सो अनलाइनलाई आज सूचीकरणबाट हटाएको छ ।
साथै काउन्सिलले पत्रकार खड्काको प्रेस पास निलम्बनका लागि सूचना तथा प्रसारण विभागमा पत्राचार गरेको काउन्सिलका अनुगमन अधिकृत महेन्द्रराज सिंहले जानकारी दिनुभयो ।
काउन्सिलले भनेको छ, “एनपिएल प्रेस डटकमलाई मिति २०८२/११/०८ गतेको निर्णयअनुसार अवज्ञाकारी/कालोसूचीमा राखी सूचीकरणबाट हटाइएको, साथै सम्बद्ध सञ्चालक/पत्रकार (सुरज खड्का) को प्रेस पास निलम्बनका लागि सूचना तथा प्रसारण विभागमा पत्रचार गरिएको छ ।”
