पर्सा । घुस लिँदालिँदै एक प्रहरी जवान रंगेहात पक्राउ परेका छन् । अख्तियार दुरुपयोग अनुसन्धान आयोगको हेटौँडा कार्यालयबाट खटिएको टोलीले पाँच घुससहित जवान गम्भीरा साह तेलीलाई पक्राउ गरेको हो ।
आज सोमबार दिउँसो वीरगञ्जको माईस्थान चोकको एक मिठाई पसलमा सेवाग्राहीलाई भेटेर नगद पाँच हजार लिँदै गरेको अवस्थामा उनलाई अख्तियारको टोलीले पक्राउ गरेको हो । उनलाई हेटौँडा लगेर थप अनुसन्धान तथा कारबाही अघि बढाउने अख्तियारले जनाएको छ ।जवान तेली पर्सामा कार्यरत छन् ।
