काठमाडौं । त्रिभुवन विश्वविद्यालयका उपकुलपति प्राडा. सुधा त्रिपाठीले नेपाली केन्द्रीय विभागको प्रमुखमा कनिष्ठ प्राध्यापकलाई नियुक्त गरेपछि दुई वरिष्ठ गुरुहरूले राजीनामा दिनुभएको छ।
कनिष्ठ प्राडा. कृष्णप्रसाद घिमिरेलाई नियुक्त गरिएपछि विशिष्ठता र जेष्ठताको आधार उपेक्षा गरी आफूलाई अपमानित गरिएको भन्दै त्रिविमा क्रमशः ३७ र ३९ वर्षदेखि अध्यापनरत प्राडा. महादेव अवस्थी र प्राडा. मोतिलाल पराजुलीले राजीनामा दिनुभएको हो।
नेपाली विभागकै वरिष्ठ प्राडा. ताराकान्त पाण्डेयले भने अहिलेसम्म राजीनामा दिनुभएको छैन।स्रोतका अनुसार नवनियुक्त विभागीय प्रमुख प्राडा. घिमिरेले अहिलेसम्म एमफिल र पीएचडीका विद्यार्थीलाई पढाउनुभएको छैन। एमए मात्र पढाएका प्राध्यापकलाई विभागीय प्रमुख बनाएकोमा अधिकांश प्राध्यापकले विरोध जनाएका छन्।, समाचार नेपाल समाचारपत्र दैनिकमा प्रकाशित छ ।
