उदयपुर । उदयपुरको पूर्वी क्षेत्र चौदण्डीगढी नगरपालिका–५ मा नक्कली नोटसहित एक किशोर पक्राउ परेका छन्।
नेपाली १ हजार दरका ४१ वटा नक्कली नोट लिएर पसलमा सामान किन्न गएको बेला स्थानीय १६ वर्षीय अनिल मियाँलाई प्रहरीले पक्राउ गरेका हो।
नक्कली नोट देखेपछि स्थानीयले इलाका प्रहरी कार्यालय सुन्दरपुरमा खबर गरेका थिए। खबर प्राप्त गरेसँगै घटनास्थल पुगेको प्रहरी टोलीले किशोरलाई नोटसहित नियन्त्रणमा लिएको हो।
