एजेन्सी । नेसन्स लिगको समूह चरण अन्तर्गतको खेलमा जर्मनी र इंग्ल्याण्डले बराबरी खेलेका छन् ।
मंगलबार राति जर्मनीको घरेलु मैदान एलियान्ज एरिनामा भएको खेलमा दुबै टिमले १–१ गोलको बराबरी खेल्दै अंक बाँडेका हुन् ।
खेलको ५० औं मिनेटमा जोनास होफम्यानले गोल गर्दै जर्मनीलाई सुरुवाती अग्रता दिलाएका थिए । तर, ८८ औं मिनेटमा पेनाल्टीमार्फत गोल गर्दै ह्यारी केनले इंग्ल्याण्डको हार टारे ।
लिग ए ग्रुप ३ मा २ अंकसहित जर्मनी तेस्रो स्थानमा रहँदा १ अंकसहित इंग्ल्याण्ड चौंथो स्थानमा रहेको छ । ४ अंकसहित इटाली शीर्षस्थानमा रहँदा ३ अंकसहित हँगेरी दोस्रो स्थानमा रहेको छ ।
