युरोपेली क्षेत्रको सर्वाधिक ठूलो फुटबल प्रतियागिता च्याम्पियन्स लिग अन्तरगत गएराति भएका खेलहरुमा पेरिस सेन्ट जर्मेन, रियल म्याड्रिड र म्यान्चेस्टर सिटी विजयी भएका छन् ।
तर इटालीको क्लब युभेन्टस र इङलिस प्रिमियर लिगको सशक्त टिम चेल्सी पराजित भएका छन् ।
समूह एफ को रियल म्याड्रिडले सेल्टिकलाई ३-० गोल अन्तरले पराजित गरेको थियो । रियलका लागि भिल्नियस जुनियर, लुका मोड्रिक र एडेन हाजार्डले गोल गरेका थिए ।
यही समूहको अर्को खेलमा शाख्तार डोनेस्कले आरबी लाइबजिगलाई ४-१ गोल अन्तरले पराजित गरेको थियो ।
त्यसैगरी, समूह जी को खेलमा म्यान्चेस्टर सिटीले सेभियालाई ४-० गोल अन्तरले पराजित गरेर समूहमा महत्वपूर्ण अंक हासिल गरेको छ । समूहको अर्को खेलमा बोरुसिया डर्टमन्डले एफसी कोपेनहागनलाई ३-० गोल अन्तरले पराजित गरेको थियो ।
निकै कठिन समूह ठानिएको समूह एच मा पेरिस सेन्ट जर्मेनले युभेन्टसलाई २-१ गोल अन्तरले पराजित गरेको छ । लियोनेल मेस्सी, नेमार र किलियन एम्बापे जस्ता स्टार खेलाडी रहेको पेरिसका लागि किलियन एम्बापेले २ गोल गरेका थिए भने युभेन्टसका लागि एक मात्र गोल वेस्टोन म्याककेनीले गरेका थिए ।
यही समूहमा रहेको बेन्फिकाले हाइफालाई २-० गोल अन्तरले पराजित गरेको थियो ।
समूह इ मा साल्जबर्ग र एसी मिलानबीचको खेल भने १-१ को बराबरीमा समाप्त भएको थियो । यही समूहमा डाइनामो जाग्रेबले चेल्सीलाई १-० गोल अन्तरले पराजित गरेको छ ।
