हेटौंडा । नेकपा एमालेका तर्फबाट मकवानपुर क्षेत्र नम्बर–२ का उम्मेदवार महेश कुमार बर्तौलाले आफू उमेरले युवा मात्रै नभई गणतन्त्रको लागि लडेको योद्दा पनि भएको बताएका छन् ।
मकपानपुरको भीमफेदी गाउँपालिकाको सुपिङमा शुक्रबार एमालेले गरेको कार्यक्रमलाई संबोधन गर्दै उनले गणतन्त्र ल्याउनका लागि सडकमा निस्कदाँ प्रहरीको लाठि समेत खाएको स्मरण गराए ।
यस अघिका जनप्रतिनिधिले नेतृत्व खेलेका राम्रा योजनालाई पनि उनले निरन्तरता दिने बताए । आफ्नो एजेन्डा राख्दै उनले भने–‘म बिद्यार्थी आन्दोलनबाट आएको बिद्यार्थी नेता भएकोले मकवानपुर मात्रै नभइ यो देशका ७५३ वटै स्थानिय तहमा एक पालिला एक माध्यमिक तहको करिव २ सय बिद्यार्थी अटाउने छात्रावासको सुनुश्चितता गर्नेछु ।’
युवा उम्मेदवार बर्तौलाले आफूलाई जनताले बिश्वासको मत दिएर जिताएको खण्डमा असाधारण काम गरेर देखाउने र युवाले जित्दा कस्तो काम गर्छ भन्ने सबैले महसुस गर्नेगरि काम गर्ने बताए । आफू समग्र युवा भावनाहरुको उम्मेदवार भएको बताउदै युवाले अवअसर पाउँदा गर्दो रहेछ भनेर जनताले महसुस गर्ने गरि काम गर्ने बताए ।
आफ्नो प्रतिस्पर्धा माओवादी र काँग्रेससँग नभएको बताउदै उनले आफ्नो प्रतिस्पर्धा २ हजार भोट भएको बिरोध खतिवडा संग भएको बताए । प्रतिनिधिसभामा उम्मेदवार नउठाएकोमा काँंग्रेस माओवादीलाई धन्यवाद दिंदै आफूले जिते पछि पनि दलिए मानसिकता त्यागेर सबै दलका नेता कार्यकर्ताको साझा भएर काम गर्ने बताए ।
