काठमाडौँ । प्रधानमन्त्री शेरबहादुर देउवासँग आज नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टी (नेकपा) का प्रवक्ता खड्गबहादुर विश्वकर्मा ‘प्रकाण्ड’ले भेटवार्ता गरेका छन् ।
प्रधानमन्त्री निवास बालुवाटारमा भएको भेटमा यसअघि सरकारसँग भएका सहमति कार्यान्वयन गर्नुपर्ने र बन्दीहरूको रिहाइ लगायतका विषयमा छलफल भएको बताइएको छ ।
विसं २०७७ फागुन २१ गते नेपाल सरकारसँग भएको तीनबुँदे सहमति कार्यान्वयन गर्न सो पार्टीले माग गर्दै आएको छ ।
अझै देशैभर विप्लव नेकपाका १२० जना नेता कार्यकर्ता जेलमै रहेको बताइएको छद्ध । उनीहरुको रिहाइका लागि नेकपा नेताहरुले सत्ता गठबन्धन दलका शीर्ष नेताहरुसँग भेट गर्दै आएका छन् ।
