काठमाडौं । प्रतिनिधि सभा बैठकको शुन्य समयमा सांसदहरुले समसामयिक राजनीतिको सम्बन्धमा आफ्नो धारणा राखेका छन् ।
बैठकमा बोल्दै सांसद अभिषेक प्रताप शाहले पूर्व प्रधानमन्त्री डा. बाबुराम भट्टराईले केही दिन अघि ट्वीटरमार्फत् हिन्दु विरोधी अभिव्यक्ति दिएको भन्दै त्यसप्रति आपत्ति प्रकट गर्नुभयो ।
उहाँले आगामी दिनमा यस्तो टिप्पणी नआओस् भन्ने माग पनि गर्नुभयो । उहाँले भन्नुभयो – ‘हामी सबै धर्मलाई इज्जत गर्ने, र सबै धर्मलाई उत्तिकै सम्मान हुने हाम्रो धारणा हो ।
त्यही पनि वहाँजस्तो सिनीयर व्यक्तित्वले त्यस्तो अभिव्यक्ति दिईसकेपछि पुरै नेपालमा खास गरेर हिन्दू धर्मावलम्बीहरु एकदमै आक्रोशित छन् । यस्तो किसिमको टिकाटिप्पणी नआओस् । आइन्दा समयमा म जोडदार माग गर्न चाहान्छु ।’
