काठमाडौँ । सत्ता गठबन्धनको नेतृत्वमा बन्ने सरकारमा लोकतान्त्रिक समाजवादी पार्टी (लोसपा)ले पनि सहभागिता जनाउने भएको छ ।
पार्टीका शीर्ष नेताहरुबीचको बैठकले पाँच दलीय गठबन्धनको नेतृत्वमा निर्माण हुने नयाँ सरकारमा सहभागी हुने निर्णय गरेको हो ।
नयाँ बन्ने सरकारलाई समर्थन गर्दै सरकारमा सहभागी हुने निर्णय भएको लोसपाका एक नेताले जानकारी दिए । यस्तै, चाँडै बैठक बसेर चुनावी समीक्षालगायत पार्टीको अन्य निर्णयहरु गर्ने लोसपाको तयारी छ । लोसपाले प्रतिनिधिसभामा ४ वटा सिट जितेको छ ।
