एजेन्सी । फ्रेन्च फरवार्ड करिम बेन्जेमाले अन्तर्राष्ट्रिय फुटबलबाट सन्यासको घोषणा गरेका छन् ।
बेन्जेमाले आफ्नो ३५औं जन्मदिनमा अन्तर्राष्ट्रिय फुटबलबाट सन्यासको घोषणा गरेका हुन् । बेन्जेमा फिफा विश्वकपमा फ्रान्सको टोलीमा रहेपनि तिघ्रामा चोट बोकेपछि विश्वकप अघि नै टोलीबाट बाहिरीएका थिए ।
ब्ल्याकमेलिङ काण्डमा फसेका उनी २०१६ देखि २०२१ सम्म प्रतिबन्धमा परेका थिए । फ्रान्सका लागि ९७ क्याप जितेका उनले ३७ अन्तर्राष्ट्रिय गोल गरेका छन् ।
बेन्जेमाले सन् २००६ मा फ्रान्सको टोलीमा स्थान बनाएका थिए । उनी युरो २००८ र २०१० को विश्वकप टोलीमा थिए । फ्रान्स यूरो २०१२ र २०१४ को विवकपमा क्वाटरफाइनलबाट बाहिरिदा पनि उनी टोलीका सदस्य थिए ।
