काठमाडौ। प्रधानमन्त्री शेरबहादुर देउवाले कोभिड–१९ महामारी रोकथाम तथा नियन्त्रणका लागि सरकारले सञ्चालन गरेको खोप अभियानको आजबाट शुभारम्भ गर्नुभएको छ ।
मित्रराष्ट्र अमेरिकाबाट प्राप्त जोन्सन एन्ड जोन्सनको खोप आजदेखी (सोमबार) देशका ७७ वटै जिल्लाहरुमा दिँइदै छ ।
प्रधानमन्त्री देउवाले नेपाल अर्थोपेडिक अस्पताल जोरपाटीको खोप केन्द्रको स्थलगत अनुगमन गरेर खोप केन्द्रहरुको निरीक्षण एवम् अनुगमन थालनी गर्नुभएको छ । त्यस्तै प्रधानमन्त्रीले काठमाडौँ उपत्यकाका अन्य महाराजञ्जस्थित त्रिभुवन विश्वविद्यालय शिक्षण अस्पताल, वीर अस्पताल, पाटन स्वास्थ्य विज्ञान प्रतिष्ठानलगायतका स्वास्थ्य संस्थाहरुको पनि स्थलगत निरीक्षण एवम् अनुगमन गर्न लाग्नुभएको हो ।साथै प्रधानमन्त्री देउवाले खोप सहज रुपमा लगाउने प्रवन्ध गर्न पनि निर्देशन गर्नुभएको छ ।
