काठमाडौं । बुधबार नवनियुक्त गृहमन्त्री बालकृष्ण खाँणले कार्यभार सम्हालेका छन् । उनले भर्खरै केहीबेर अघि मात्र मन्त्रालय पुगेर कार्यभार सम्हालेका हुन् । गृहमन्त्री खाँणले हिजो नै पद तथा गोपनियताको शपथ ग्रहण गरे पनि उनले मन्त्रीको कार्यभार सम्हालेका थिएनन् ।
त्यसैगरी आज अर्थमन्त्री जनार्दन शर्मा र ऊर्जा मन्त्री पम्फा भुसालले पनि पदभार गर्दैछन् । यता कानुन मन्त्री ज्ञानेन्द्रबहादुर कार्कीले भने मंगलबार साँझ नै पदभार ग्रहण गरेका थिए ।
नवनियुक्त प्रधानमन्त्री शेरबहादुर देउवाले हिजो पहिलो चरणमा चार सदस्यीय मन्त्रिपरिषद गठन गरेका हुन् ।
