काठमाडौँ । चालक दलका सदस्यसहित ७२ जनाको ज्यान जाने गरी दुर्घटना भएको यती एयरलाइन्सको ब्ल्याक बक्स अनुसन्धानका लागि शुक्रबार सिंगापुर लगिँदैछ । दुर्घटनाको कारण पत्ता लगाउन ब्ल्याक बक्सलाई सिंगापुर लान लागिएको हो ।
दुर्घटना जाँच आयोगका अनुसार सिंगापुरमा त्यहाँको यातायात सुरक्षा अनुसन्धान ब्यूरोमा विज्ञहरुको सहयोगमा ब्ल्याक बक्सको डाटा रेकर्डर र ककपिट रेकर्डरको अध्ययन गरी दुर्घटनाको कारण पत्ता लगाइने छ ।
यद्यपि ब्ल्याक बक्सको अनुसन्धान कहिले सकिन्छ भन्ने अहिले नै किटान गर्न नसकिने बताइएको छ ।
