काठमाडौं । राष्ट्रिय प्रजातन्त्र पार्टी (राप्रपा)का वरिष्ठ उपाध्यक्ष रविन्द्र मिश्रले काठमाडौंमा आजदेखि सुरु हुनलागेको विवेकशील साझा पार्टीको पहिलो महाधिवेधनलाई शुभकामना दिँदै विचारमा अन्तर भए नि नियत एउटै भएको बताएका छन्।
विवेकशील परित्याग गरेर राप्रपा प्रवेश गरेका मिश्रले सामाजिक सञ्जालमार्फत प्रथम महाधिवेशनको सफलताका लागि शुभकामना व्यक्त गरेका छन् । मिश्रले आफनो मार्ग परिवर्तनले पार्टीका समस्यालाई थप जटिल बनाए पनि ती जटिलतासँग जुध्दै पार्टीलाई सम्हालेर अगाडि लैजाने साथीहरूलाई धन्यवाद दिएका छन् ।
उनले भनेका छन, ‘विवेकशील साझाको प्रथम महाधिवेशनको सफलताका लागि शुभकामना व्यक्त गर्दछु, मेरो मार्ग परिवर्तनले पार्टीका समस्यालाई थप जटिल बनाए पनि ती जटिलतासँग संयमताका साथ जुध्दै पार्टीलाई सम्हालेर अगाडि लैजाने साथीहरूलाई नमन । हाम्रो विचारमा अन्तर भए नि नियतमा अन्तर छैन भन्नेमा विश्वस्त छु।’
