काठमाडौँ । नेपाली क्रिकेट टोलीका तीव्र गतिका बलर करण केसीले आइसिसी विश्वकप लिग-२ त्रिकोणात्मक ओडिआई सिरिजमा नामिबियाविरुद्ध कीर्तिमानी पाँच विकेट लिएका छन् ।
करण ओडिआई क्रिकेटमा पाँच विकेट तीन पटक लिने पहिलो नेपाली खेलाडी बनेका हुन् । करण केसीले इनिङको अन्तिम बलमा बेनार्ड शोल्टजलाई रोहित पौडेलबाट क्याच गराउँदै कीर्तिमान कायम गरेका हुन् ।
करणले यसअघि गत जुनमा ओमानविरुद्ध दुबै खेलमा पाँच-पाँच विकेट लिएका थिए ।
त्रिवि क्रिकेट मैदानमा टस हारेर पहिला ब्याटिङको निम्तो पाएको नामिबियाले निर्धारित ५० ओभरमा २८५ रनमा अल आउट हुँदै नेपालसामु २८६ रनको लक्ष्य दिएको छ । नामिबियाका माइकल भान लिंगेनले १ सय ३७ बल खेल्दै ९ चौका र ५ छक्कासहित सर्वाधिक १ सय ३३ रनको कीर्तिमानी इनिङ खेले ।
