एजेन्सी । स्पेनिस फुबटल लिग ला लिगा अन्तर्गत शीर्षस्थानको बार्सिलोनाले हार ब्यहोरेको छ । आइतबार राति भएको खेलमा बार्सिलोना १५ औं स्थानको अल्मेरियासँग १–० गोलले स्तब्ध बनेको हो ।
घरेलु मैदानमा अल्मेरियालाई जित दिलाउन एकमात्र निर्णायक गोल खेलको २४ औं मिनेटमा एल बिलाल टोरेले गरे । लूईस अल्बेर्टो स्वारेजको पासमा टोरेले गोल गरेका हुन् । स्वारेजले लङ रेन्जबाट पास उपलब्ध गरेका थिए । मार्कमा रहेका टोरेले डि–बक्सभिज्ञ बल अगाडि बढाउँदै सशक्त प्रहार गरे ।
खेलमा पकड जमाएपनि बार्सिलोनाले जित निकाल्न भने सकेन । यो नतिजासँगै २३ खेलबाट ५९ अंकसहित बार्सिलोना तालिकाको शीर्षस्थानमा यथावत छ । यता अल्मेरिया भने समान खेलबाट २५ अंसहित १५ औं स्थानमा छ ।
