काठमाडौँ । नेकपा एमालेका नेता विष्णु रिजालले एमाले अरू पार्टीजस्तो दुई डुंगामा खुट्टा राख्ने पार्टी नभएको बताएका छन् ।
नेकपा एमालेको सचिवालय बैठकले सरकारबाट बाहिरिने र प्रधानमन्त्रीलाई दिएको समर्थन समेत फिर्ता लिने निर्णय गरेसँगै नेता रिजालले यस्तो प्रतिक्रिया दिएका हुन् ।
‘पुस १० को मुख्य सहमति तोडिएपछि सत्तामा बसिरहनु औचित्य समाप्त भएकाले आफ्नो शानदार उपस्थितिसहित एमाले प्रमुख प्रतिपक्षको भूमिकामा खरो उत्रिनेछ ।’ रिजालले भने । ‘एमालेलाई कसैको नून खाएर गुन तिर्नु छैन । अविश्वसनीय, धोकाधडी र षड्यन्त्रलाई अस्वीकार गर्दै सरकारबाट फिर्ता भएका छौं ।’
