काठमाडौं । आईसीसी विश्वकप लिग–टू अन्तर्गतको त्रिकोणात्मक सिरिजमा यूएईविरुद्ध नेपाललाई दोस्रो सफलता मिलेको छ ।
दुबई अन्तराष्ट्रिय क्रिकेट स्टेडियममा भईरहेको खेलमा स्पिनर सन्दीप लामिछानेले नेपाललाई दोस्रो सफलता दिलाएका हुन् ।
सन्दीपले यूएईका रित्य अरविन्दलाई १८ रनमा आउट गराए । सन्दीपको बल सार्प टर्न हुँदा अरविन्दको ब्याटमा छोएर कुशल भुर्तेलको हातमा थामिन पुग्यो ।
तिब्र गतिका बलर करण केसीले नेपालको लागि पहिलो विकेट लिएका थिए । करणले यूएईका ओपनर मूहम्मद वसिमलाई आउट गराएका थिए ।
यो समाचार तयार पार्दासम्म यूएईले १५.२ ओभरमा २ विकेटको क्षतिमा ६० रन बनाएको छ ।
