एजेन्सी । ईन्डियन प्रिमियर लिग (आईपीएल) अन्तर्गत चेन्नई सुपर किंग्सले दिल्ली क्यापिटल्सलाई २२४ रनको लक्ष्य दिएको छ ।
टस जितेर ब्याटिङ थालेको चेन्नईले २० ओभरमा ३ विकेटको क्षतिमा २२३ रन जोडेको हो ।
चेन्नईका लागि डेभोन कोनवेले ८७ तथा ऋतुराज गायकवाडले ७९ रनको इनिङ खेले । ५२ बल खेलेका कोनवेले ११ चौका र ३ छक्का प्रहार गर्दा ५० बल खेलेका गायकवाडले ३ चौका र ७ छक्का प्रहार गरे ।
यस्तै, शिवम दुवेले ९ बलमा २२ रन जोडे । उनले ३ छक्का प्रहार गरे । रवीन्द्र जडेजा ७ बलमा २० रनमा तथा महेन्द्र सिंह धोनी ४ बलमा ५ रनमा अविजित रहे ।
दिल्लीका लागि बलिङतर्फ खलिल अहमद, चेतन साकरिया र एनरिक नोत्र्याले एक–एक विकेट लिए । यो खेल जितेमा चेन्नई प्लेअफमा पुग्नेछ । दिल्ली भने यसअघि नै प्लेअफबाट बाहिरिइसकेको छ ।
