एजेन्सी । इन्डियन प्रिमियर लिग (आईपीएल) अन्तर्गत सनराइजर्स हैदरावादले मुम्बई इन्डियन्सलाई २०१ रनको विजयी लक्ष्य दिएको छ ।
टस हारेर ब्याटिङ थालेको हैदरावादले ५ विकेटको क्षतिमा २०० रन जोडेको हो । हैदरावादका लागि मयंक अग्रवालले ४६ बलमा ८३ रन जोडे । उनले ८ चौका र ४ छक्का प्रहार गरे । यस्तै, विवरान्त शर्माले ४७ बलमा ६९ रनको योगदान दिए । उनले ९ चौका र २ छक्का प्रहार गरे ।
हेनरिक क्लासेनले १३ बलमा १८ रन जोड्दा एडेन मार्कराम ७ बलमा १३ रनमा अविजित रहे । उनले अन्तिम बलमा छक्का प्रहार गर्दै टोलीको स्कोर २०० पुर्याए । ह्यारी ब्रुक गोल्डेन डक हुन पुगे । उनी पहिलो बलमै आउट भए ।
मुम्बईका लागि आकाश मधवालले ४ विकेट लिँदा क्रिस जोर्डनले एक विकेट लिए । मुम्बईलाई प्लेअफ होडमा रहन यो खेल जित्नैपर्ने दबाब छ । हैदरावाद भने प्लेअफबाट पहिले नै बाहिरिएको छ ।
