काठमाडौँ । राष्ट्रिय स्वतन्त्र पार्टी(रास्वपा)ले अर्थ मन्त्रालयबाट बजेट विनियोजनको कार्य तत्काल रोकी उक्त बजेट आवश्यक विकास निर्माणका कार्यका लागि परिचालन गरियोस् भनी संकल्प प्रस्ताव दर्ता गराएको छ ।
पार्टीका सांसद श्री डोल प्रसाद अर्यालको नेतृत्वमा विहिबार संघीय संसद सचिवालयमा उक्त प्रस्ताव दर्ता गराएको हो ।
कहिले सांसद विकाष कोष त कहिले निर्वाचन क्षेत्र विकास कोष, निर्वाचन क्षेत्र पूर्वाधार विकास कार्यक्रम, स्थानीय पूर्वाधार विकास साझेदारी कार्यक्रम गरी विभिन्न नाम दिंदै हाल संसदीय क्षेत्र पूर्वाधार विकास कार्यक्रम नाम दिइएको प्रत्यक्ष निर्वाचित सांसदका माध्यमबाट स्थानीय विकास निर्माणका कार्यका लागि बजेट खर्च गर्ने कार्यक्रमका लागि अर्थ मन्त्रालयबाट बजेट विनियोजनको कार्य तत्काल रोकी उक्त बजेट अन्य आवश्यक विकास निर्माणका कार्यका लागि परिचालन गरियोस् भनी रास्वपाले संकल्प प्रस्ताव दर्ता गराएको हो ।
