काठमाडौं । आइसिसी एकदिवसीय विश्वकप छनोटअन्तर्गतको आफ्नो दोस्रो खेलमा नेपालले अमेरिकाविरुद्ध टस जितेको छ । जिम्बावेको ताकशिंगा स्पोर्ट्स क्लबमा टस जितेर कप्तान रोहित पौडेलले पहिला फिल्डिङ गर्ने निर्णय गरेका छन् ।
नेपालका तीव्र गतिका बलर सोमपाल कामीले चोटको कारणले गर्दा आजको खेल नखेल्ने भएका छन् । नेपालले उनको स्थानमा स्पिनर ललित राजवंशीलाई खेलाएको छ ।
नेपाल अमेरिकालाई हराउँदै सुपर सिक्समा पुग्ने बलियो सम्भावना बनाउन चाहन्छ । नेपाल पहिलो खेलमा जिम्बावेसाँग ८ विकेटले पराजित भएको थियो भने अमेरिका वेस्टइन्डिजसँग ३९ रनले पराजित भएको थियो । दुबै टोली आफ्नो पहिलो जितको खोजीमा हुनेछन् ।
नेपालको प्लेइङ ११ :
कुशल भुर्तेल, आसिफ शेख (विकेटकिपर), रोहित पौडेल (कप्तान), कुशल मल्ल, आरिफ शेख, दीपेन्द्रसिंह ऐरी, गुलशन झा, करण केसी, सन्दीप लामिछाने, भीम सार्की र ललित राजवंशी ।
