काठमाडौं । प्रधानमन्त्री केपी शर्मा ओलीले आज बिहान ११ बजेका लागि मन्त्रिपरिषद बैठक बोलाएका छन् । बजेट अध्यादेश सिफारिसका लागि आजको मन्त्रिपरिषद बैठक बस्न लागेको बताईएको छ । बजेटका सबै दस्ताबेजलाई शुक्रबार अबेर राति अन्तिम रूप दिएर आज बिहान ११ बजे मन्त्रिपरिषद् बैठकमा पेस गरिँदै छ ।
मन्त्रिपरिषद् बैठकले अध्यादेशका रूपमा बजेट ल्याउन राष्ट्रपतिलाई गरेको सिफारिस राष्ट्रपतिद्वारा प्रमाणीकरण भईसकेपछि आज (शनिबार) दिउँसो ४ बजे अर्थमन्त्री विष्णु पौडेलले बजेट भाषण गर्ने तयारी छ ।
जेठ १५ मै बजेट ल्याउनुपर्ने संवैधानिक व्यवस्था छ ।
