काठमाडौँ । नेपाली नागरिकहरूलाई भुटानी शरणार्थी बनाई अमेरिका लैजाने भन्दै ठगी गर्ने समुहका थप एक जना पक्राउ परेका छन् ।
अमेरिका पठाउने भनि विभिन्न किसिमका प्रलोभनमा पारी विश्वास दिलाई ठगी गर्ने कार्यमा संलग्न रही फरार रहेका केशब तुलाधरलाई प्रहरीले पक्राउ गरेको हो ।
जाहेरवाला गजेन्द्र बुढाथोकी लगायतका व्यक्तिहरूलाई ठगी गरेका तुलाधरलाई काठमडौँ उपत्यका अनुसन्धान कार्यलय, मिनभवनबाट खटिएका विशेष अनुसन्धान टोलीले बुधबार सानोभर्याङबाट पक्राउ गरेको हो ।
अभियुक्त तुलाधरलाई ठगी तथा संगठित अपराधको कसुरमा आवश्यक कारबाहीको लागि जिल्ला प्रहरी परिसर, टेकु, काठमाण्डौमा पठाइएको छ ।
उक्त प्रकरणमा पूर्वउपप्रधानमन्त्री टोपबहादुर रायमाझी, पूर्वगृहमन्त्री बालकृष्ण खाण, निलम्बित सचिव टेकनारायण पाण्डे, तत्कालीन गृहमन्त्री रामबहादुर थापा बादलका सुरक्षा सल्लाहकार ईन्द्रजित राई लगायतकाहरु थुनामा छन् ।
