काठमाडौं । अमेरिकी विदेश मन्त्रालयले यस वर्षको “ग्लोबल एन्टी–रेसिज्म च्याम्पियन्स अवार्ड” नेपालकी सरस्वती नेपाली समेत विश्वका छ जनालाई प्रदान गरेको छ ।
उक्त अवार्ड वासिङटन डिसीमा आयोजित एक कार्यक्रममा अमेरिकी विदेश मन्त्री एन्थोनी ब्लिन्केनले प्रदान गर्नु भएको अमेरिकी विदेश मन्त्रालयले जनाएको छ ।
यो पनि पढ्नुहोस–सरस्वती नेपालीलाई जातीय विभेद विरोधी अवार्ड प्रदान गर्ने अमेरिकी घोषणा
सीमान्तकृत समुदायको मानव अधिकारका क्षेत्रमा नागरिक समाजका तर्फबाट विशिष्ट योगदान गरेको मन्त्रालयको भनाई छ ।
नेपालबाट पुरस्कृत हुने सरस्वती नेपाली दलित समाज विकास मंचकी अध्यक्ष हुनुहुन्छ । उहाँ दलित समेतका सीमान्तकृत समुदाय, अशक्त तथा गरिबीको चपेटामा रहेका व्यक्ति र समुदायको मानव अधिकारका लागि निरन्तर संघर्षशील रहनु भएको छ ।
सुदूरपश्चिममा जन्मनु भएकी सरस्वती नेपालीले दलित समुदायको सामाजिक न्यायको आन्दोलनमा सक्रियतापूर्वक नेतृत्व र सहभागिता जनाउनुका साथै उनीहरुका लागि जमिनको अधिकार दिलाउन, शिक्षामा पहुँच तुल्याउने तथा अदालतबाट न्यायमा समान हासिल गराउन महत्वपूर्ण योगदान गर्नु भएको छ ।
यो पुरस्कारबाट कारी कुजाजारा (ब्राजिल), ओस्वाल्डो बिल्बाओ लोबाटोन (पेरू), रानी यान यान (बंगलादेश), साडिया मोस्बाह (ट्युनिसिया) र भिक्टोरिया लुका (मोल्दोभा) पनि पुरस्कृत हुनु भएको छ ।
