काठमाडौँ । नेपाली कांग्रेसले एक सय किलो सुन तस्करी प्रकरणमा सरकारका निकायले छानबिन गर्ने बताएको छ ।
कांग्रेस संसदीय दलको बैठकपछि सञ्चारकर्मीसँग बोल्दै दलका प्रमुख सचेतक रमेश लेखकले उक्त प्रकरणमा राज्यका निकायबाट छानबिन हुने निर्णय गरेको बताएका हुन् ।
‘सुन तस्करी प्रकरणमा राज्यका निकायले गरिरहेका छन् । सरकारले थप तदारुकताका साथ गरोस् भन्ने बैठकको निर्णय छ ‘, लेखकले भने ।
उनले सुन तस्करी प्रकरणमा जुन सुकै व्यक्तिको संलग्नता रहेको भेटिएपनि हदैसम्मको कारबाही गर्नुपर्ने बताए ।
