एजेन्सी । जर्मन फुटबल लिग बुन्डेसलिगा अन्तर्गत बायर्न म्युनिखले बराबरी खेलेको छ । गएराति भएको खेलमा बायर्नले लेभरकुसेनसँग घरेलु मैदानमा २–२ गोलको बराबरी खेल्दै अंक बाँडेको हो ।
खेलको ७ औं मिनेटमा ह्यारी केनको गोलबाट बायर्नले खेलमा सुरुवाती अग्रता बनाएको थियो । तर, २४ औं मिनेटमा एलेक्स ग्रिमाल्डोले गोल गर्दै लेभरकुसेनलाई १–१ को बराबरीमा ल्याए ।
८६ औं मिनेटमा लिओन गोरेट्ज्काले गोल गर्दै बायर्नलाई २–१ गोलले अघि बढाए । तर, ९४.४ मिनेटमा एक्सेक्वेल पालासिओसले गोल गर्दै लेभरकुसेनलाई २–२ को बराबरी गर्दै हारबाट जोगाए ।
यो नतिजासँगै ४ खेलमा १० अंकसहित लेभरकुसेन तालिकाको शीर्षस्थानमा रहेको छ । समान खेलबाट समान अंक रहेको बायर्न गोल डिफरेन्सका आधारले दोस्रो स्थानमा छ ।
