काठमाडौँ । सरकारले सुन प्रकरणबारे छानविनका लागि उच्चस्तरीय छानविन आयोग गठनबारे छलफल गर्न प्रमुख दलका नेताहरुलाई बैठक बोलाएको छ।
पाँच बजे बोलाइएको बैठकमा आयोग गठनको लागि कार्यदल बनाउनेबारे छलफल हुने बताइएको छ । हाल उपप्रधान तथा गृहमन्त्री नाराकायणकाजी श्रेष्ठ आन्दोलनरत शिक्षकहरुसँग वार्तामा छन् ।
सो वार्तापछि आयोग गठनबारे छलफल गर्नको लागि प्रमुख दलका नेताहरुबीच बैठक बस्ने तयारी रहेको नेकपा एमालेका सचेतक महेश बर्तौलाले जानकारी दिए ।
प्रमुख दलहरुले सुन प्रकरणमा सीआईबीको अनुसन्धानपछि आजैबाट आयोग गठन प्रक्रिया थाल्ने सहमति गरिसकेका छन् ।
